Popular Bible Verses from Romanyon 6

Share

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Ytho ynkleudhys ganso yth en dre vesydhya yn mernans, rag may hyllyn kerdhes ganso yn nowydhses a vewnans, par dell veu Krist drehevys a'n re varow dre wolewder an Tas.

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

Ytho y tegoedh dhywgh hwi omsynsi marow dhe begh mes ow pewa dhe Dhuw yn Krist Yesu.

Pandr'a wren y leverel ytho? Yw dhyn pesya yn pegh rag may palshaho gras? Kammenn vyth! Fatell yllyn ni neb a verwis dhe begh bewa hwath ynno?

A ny wodhowgh hwi mar omrowgh dhe nebonan avel kethyon wostyth, hwi dhe vos kethyon poran dhe'n den na mayth owgh gostyth dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostyth a leun golonn dhe'n patron a dhyskas may fewgh delivrys dhodho, ha wosa bos delivrys dhiworth pegh devedhys owgh ha bos kethyon dhe ewnder.