Popular Bible Verses from Romanyon 14

Share

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans; neb a serv Krist yndella yw plegadow gans Duw ha kevys da gans tus.

Mar pewyn, dhe'n Arloedh y pewyn ha mar merwyn, dhe'n Arloedh y ferwyn; ytho bewa po merwel mar kwren, dhe'n Arloedh yth on.

Holyn ytho taklow a gres ha'n taklow may trehav dredha an eyl y gila.

Ytho na vreusyn an eyl ahanan y gila mes breusyn yn kynsa na worryn men trebuchya po maglenn yn fordh an broder.

Rag skrifys yw, ‘Dell vewav, yn-medh an Arloedh, pub glin a wra plegya dhymmo vy ha pub taves a wormel Dhuw.’ Ytho peub ahanan a re akont dhe Dhuw yn y gever y honan.

Ha neb yw gwann y'n fydh, degemmerewgh e heb dadhla a-dro dhe dybyansow.

Piw os jy hag a vreus servont den arall? A-rag y vester y honan y sev po y koedh. Ha skoedhys vydh, rag Duw a yll gul dhodho sevel.