Popular Bible Verses from Romanyon 12

Share

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow

Na vedhewgh fethys gans an drog, mes fethewgh an drog gans an da.

ow kara an eyl y gila, yn keskerensa, ow kesstrivya an eyl gans y gila ow tiskwedhes enor

Gwres kerensa bos gwiryon; kesewgh an drog, glenewgh orth an da

Mar kyllir, myns may hyllowgh, ow hwilas kres gans tus oll.

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

yn diwysykter heb sygerneth, yn spyrys owth enowi, ow servya an Arloedh

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

Na attelewgh drog dhe dhenvyth orth drog; prederewgh a daklow da a-rag tus oll

bedhewgh yn akord an eyl gans y gila; heb gul vri a'n taklow ughel, mes dhe'n re uvel ow plegya; na vedhewgh goethus.

Mes pella, ‘Mars eus nown dhe'th eskar, mag e; mars eus syghes dhodho, ro diwes dhodho; rag ow kul hemma ty a worr bern a golennow bew war y benn.’

Bennigewgh an re a'gas helgh, bennigewgh ha na vollethewgh. Lowenhewgh gans an re a lowenha, oelewgh gans an re a oel

ow provia rag edhommow an syns, ow siwya helder.

Rag dell y'gan beus yn unn korf lies esel, mes heb bos dhe'n eseli oll an keth gweythres, yndella ni, pals dell on, unn korf on yn Krist ha pub huni eseli an eyl a'y gila.