Popular Bible Verses from Romanyon 10

Share

Rag mar konfessydh yn dha anow Yesu dhe vos Arloedh ha krysi y'th kolonn y hwrug Duw y dhrehevel a'n mernans, y fydhydh selwys.

Rag gans kolonn y krysir dhe ewnder ha gans ganow y konfessir dhe selwyans.

Ytho fydh a dheuth a glewes, ha'n klewes dre eryow Krist.

Rag an skryptor a lever, ‘Ny'n jevydh meth neb a grysso ynno.’ Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho. Rag, ‘Neb a elwo war hanow an Arloedh a vydh selwys.’

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Fatell yll tus gelwel war nebonan ma na gryssons ynno? Ha fatell yllir krysi dhe nebonan ma na glewas anodho; ha fatell yllir klewes heb pregowther?

Rag Krist yw penn an lagha rag ewnder dhe beub a grys.