Popular Bible Verses from Diskwedhyans 3

Share

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.

‘My a aswonn dha wriansow, nag osta na yeyn na toemm: my a vynnsa may fes yeyn po toemm. Ytho, drefenn dha vos mygyl, na yeyn na toemm, dha drewa yn-mes a'm ganow a wrav.

Myns a garav, a geredhav ha keski. Bydh diwysyk, ytho, ha kemmer edrek.

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

My a dheu yn skon; syns yn fast an pyth usi genes ma na gemmerro denvyth dha gurun.

Bydh difun, ha krevha an taklow yw gesys, yw parys dhe verwel, rag ny gevis dha wriansow kowlwrys a-dherag ow Duw.