Popular Bible Verses from Diskwedhyans 19

Share

Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan. Ha gwiskys o yn mantell troghys yn goes: ha gelwys yw y hanow, ‘Ger Duw.’

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.