Popular Bible Verses from Diskwedhyans 11

Share

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.

An re ma yw an dhew olewbrenn ha'n dhew gantolbrenn ow sevel a-dherag Arloedh an nor. Ha mar mynn nebonan aga fystiga, tan a dheu yn-mes a'ga ganow ha diswul aga eskerens, ha den mar mynn aga fystiga, res yw dhodho bos ledhys yndellma.