Popular Bible Verses from Filippianys 2

Share

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan, heb mires orth agas les agas honan mes orth les tus erell kekeffrys.

Kemmerewgh yn agas mysk an tybyans ma esa ynwedh yn Krist Yesu

kyn feu yn furv Duw, ny dybis bos par dhe Dhuw avel neppyth dhe sesya, mes yth omwakhas y honan, ha kemmeres furv gwas, devedhys yn hevelep tus; ha kevys yn furv den ev a omuvelhas ha dos ha bos gostyth bys yn ankow, mernans yn krows.

Rag Duw yw neb a ober ynnowgh, ha dhe vynnes ha dhe oberi orth bodh y vrys.

Rag hemma, Duw a'n ughelhas yn feur ha ri dhodho an hanow yw dres pub hanow, yn hanow Yesu may plekkya pub glin, an re yn nev, an re war an nor, ha'n re yn-dann an nor, ha mayth avowa pub taves bos Yesu Krist Arloedh, dhe wordhyans Duw an Tas.

Gwrewgh pup-tra heb krodhvolas na disputya, may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys

Ytho, ow howetha garadow, kepar dell vewgh pup-prys gostyth pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.