Popular Bible Verses from Mark 9

Share

Ha Yesu a leveris dhodho, ‘Mar kyllydh? Pup-tra yw possybyl dhe neb a grysso.’

Hag a-dhesempis tas an flogh a grias gans dagrow ha leverel, ‘Arloedh, my a grys: ty gweres ow diskryjyans.’

Ha pan ova devedhys y'n chi, y dhyskyblon a wovynnas orto yn priva ‘Prag na yllsyn ni y dewlel yn-mes?’ Hag ev a leveris dhedha, ‘Kammenn na yll an eghenn ma dos yn-mes marnas dre bysi ha penys.’

Hoelan yw da; mes mar teu an hoelan ha bos heb blas, gans pandra y fydh ev sawrys? Bedhes genowgh hoelan ynnowgh agas honan, ha bedhes genowgh kres, an eyl gans y gila.’

‘Piwpynag a dhegemmerro onan a'n fleghes a'n par ma yn ow hanow vy, a'm degemmer vy, ha piwpynag a'm degemmerro, ny'm degemmer vy, saw ev neb a'm dannvonas.’

Rag piwpynag a rollo dhywgh hanafas a dhowr dhe eva y'm hanow vy, drefenn agas bos dhe Grist, yn hwir y lavarav dhywgh, kammenn na gyll y wober.

‘Ha piwpynag a wrello dhe onan a'n re vyghan ma trebuchya, neb a grys ynnov vy, gwell via dhodho mar pe kregys men-melin meur a-dro dh'y gonna, ha'y vos tewlys y'n mor.

Ha'th lagas mar kwra dha sklandra, tenn ev mes; gwell yw dhis entra dhe wlaskor Duw unnlagasek, ages bos tewlys yn tan ifarn ha genes dew lagas