Popular Bible Verses from Mark 2

Share

Ha Yesu, pan glewas henna, a leveris dhedha, ‘Dhe'n re yw yagh nyns eus edhomm a vedhek, mes dhe'n re yw klav; nyns o'ma devedhys rag gelwel an re wiryon, mes peghadoryon.’

Yesu pan welas aga fydh, a leveris dhe'n palsi, ‘Mab, gevys yw dha beghosow.’

Hag ev a leveris dhedha, ‘An Sabot a veu gwrys rag mab-den, a-der mab-den rag an Sabot

Pan na yllens dos nes dhodho drefenn an routh, i a dhistias an to mayth esa; ha wosa i dhe derri dredho, i a dhellos dhe'n leur an gravath may hwrowedhi an palsi.

Mes may hyllowgh godhvos bos dhe Vab an den galloes dhe ava peghosow war an bys’ (ev a lever dhe'n palsi) ‘my a lever dhis, sav, ha kemmer dha weli yn-bann, ha ke dhe'th chi.’

Pyneyl yw esya, leverel dhe'n palsi “Gevys yw dha beghosow”, po leverel, “Sav, ha kemmer dha weli yn-bann ha kerdh”?

Ev a sevis, hag ow kemmeres an gweli yn-bann a-dhesempis, ev eth yn-mes dherag a-wel anedha i oll, mayth esa marth dhedha i oll, ow kordhya Duw, ha leverel, ‘Bythkweth ny welsyn travyth a'n par ma.’