Popular Bible Verses from Mark 15

Share

Hag y'n nawves eur Yesu a grias gans lev ughel, ‘Eloi, Eloi, lema sabaghthani?’ dhe styrya yw, ‘Ow Duw, ow Duw, prag y'm forsaksys?’

Ha pan welas an penn-kangour, esa ow sevel a-dal dhodho, ev dhe gria yndella hag anella y spyrys yn-mes, ev a leveris, ‘Yn gwiryonedh, an den ma o Mab Duw.’

Ha vayl an tempel a veu skwardys yntra diw rann a'n penn dhe'n goeles.

Ha Yesu a grias gans lev ughel hag anella y spyrys yn-mes.

Ha pan dheuth an hweghves eur, yth esa tewolgow dres oll an tir bys y'n nawves eur.

Ytho Pilat, ha hwans dhodho a blesya an routh, a dhelivras Barabbas dhedha; hag a ros Yesu, wosa y skorjya, dhe vos krowsys.