Popular Bible Verses from Mark 12

Share

Yesu a'n gorthybis, ‘An kynsa yw, “Klew, A Ysrael; an Arloedh agan Duw yw unn Arloedh; ha ty gwra kara dha Arloedh Duw gans oll dha golonn, gans oll dha enev, gans oll dha vrys, ha gans oll dha nerth.” Hemm yw an kynsa gorhemmynn. An nessa yw hemma, “Ty gwra kara dha gentrevek kepar dell omgerydh dha honan.” Nyns eus gorhemmynn arall brassa es an re ma.’

Hag ev a elwis dhodho y dhyskyblon ha leverel dhedha, ‘Yn hwir y lavarav dhywgh, y hwrug an wedhwes voghosek ma tewlel moy ages oll an re erell esa ow tewlel y'n arghow. Rag i oll a wrug tewlel a'ga lanwes, mes hi a'y edhomm a wrug tewlel myns a's teva, oll hy fygans.’

Hag ev a esedhas a-dal an arghow, hag a weli fatell esa an routh ow tewlel mona y'n argh. Ha lies den rych a dewli meur. Hag unn wedhwes voghosek a dheuth, ha hi a dewlis ynni dew vita, henn yw ferdhynn.

hag “y gara gans oll an golonn, ha gans oll an skians, ha gans oll an enev, ha gans oll an nerth”, ha “kara y gentrevek kepar hag ev y honan”, hemm yw moy ages oll an offrynnow kowlleskys ha'n sakrifisow.’

Ha Yesu a leveris dhedha, ‘Attelewgh dhe Sesar an taklow yw dhe Sesar ha dhe Dhuw an taklow yw dhe Dhuw.’ Ha marth a's tevo anodho.