Popular Bible Verses from Mika 4

Share

Rag an poblow oll a gerdh, pubonan yn hanow y dhuw; mes ni a gerdh yn hanow an ARLOEDH agan Duw ni, bys vykken ha bynnari.

Kenedhlow pals a dheu, ha leverel, ‘Dewgh, ha deun ni yn-bann dhe venydh an ARLOEDH, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an ARLOEDH dhiworth Yerusalem.

Y'n dydhyow diwettha, menydh chi an ARLOEDH a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Hag ev a vydh breusydh yntra meur a boblow, ha mayn yntra kenedhlow krev a-bell. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya na moy.