Popular Bible Verses from Matthew 2

Share

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem, ow leverel, ‘Ple'ma ev yw genys Myghtern an Yedhewon? Rag ni a welas y sterenn y'n howldrevel hag yth on ni devedhys dh'y wordhya.’

Ha pan welsons an sterenn, i a lowenhas gans joy meur dres eghenn.

Ha gwarnyes dre hunros na wrellens dehweles dhe Herod, i a omdennas dh'aga fow war fordh arall. Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’