Popular Bible Verses from Matthew 19

Share

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Ytho nyns yns i na fella dew mes unn kig. Rakhenna an dra a wrug Duw y junya war-barth, den na wres y ranna.’

Hag ev a worthybis ow leverel, ‘A ny wrussowgh redya, neb a's formyas y'n dalleth “dh'aga gul gorreydh ha benynreydh”? ha leverel, “Rakhenna y hwra den gasa y das ha'y vamm ha glena orth y wreg ha'n dhew a dheu ha bos unn kig”?

Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’

Mes lies huni yw kynsa a vydh diwettha, ha'n re dhiwettha kynsa.

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Yn-medh Yesu dhodho, ‘Mar mynnydh bos perfydh, ke ha gwerth an taklow eus dhis, ha ri dhe'n voghosogyon ha ty a gyv tresor y'n nevow; ha deus dhe'm holya.’

Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas. Mar mynnydh mos a-bervedh y'n bewnans na, gwith an gorhemmynnow.’

My a lever dhywgh arta, esya yw kowrvargh dhe dremena dre graw naswydh ages dell yll den rych mones a-bervedh yn gwlaskor Duw.’

Ha my a lever dhywgh, piwpynag oll a dhidhemmettho y wreg marnas drefenn dijastita hag ena demmedhi benyn arall, an den na a wra avoutri.’

Ena Yesu a leveris dh'y dhyskyblon, ‘Yn hwir y lavarav dhywgh, kales vydh dhe dhen rych mones a-bervedh yn gwlaskor nev.