Popular Bible Verses from Matthew 12

Share

Hag yn-medhav dhywgh, pub lavar dibreder a gews tus, i a attal akont anodho dydh breus, rag herwydh dha lavarow y fydhydh akwitys ha herwydh dha lavarow y fydhydh dampnys.’

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Rakhenna, yn-medhav dhywgh: pub pegh ha blasfemi a vydh gevys dhe dus, mes blasfemi erbynn an Spyrys Sans ny vydh gevys.

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.