Popular Bible Verses from Matthew 10

Share

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Neb a hwila kavoes y vewnans, ev a'n kyll, ha piwpynag a gollo y vewnans a'm govis vy, a'n kyv.

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

ha'n den na gemmer y grows ha'm holya nyns yw gwiw dhymm.

‘Piwpynag ytho a'm aswonno a-rag tus, an keth den na my a'n aswonn a-rag ow Thas eus y'n nevow; ha piwpynag a'm denaggho a-rag tus, my ynwedh a'n denagh ev a-rag ow Thas eus y'n nevow.

Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.

Na berthewgh own ytho; hwi a dal moy ages lies golvan.

‘Na dybewgh ow bos vy devedhys rag dannvon kres war an norvys; nyns ov devedhys rag dannvon kres saw kledha.