Popular Bible Verses from Luk 8

Share

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

An dra a goedhas y'n spern, yth yw an re a glewas, ha pan vons yn-rag tegys yns gans an fienasow ha'n rychys ha'n plesours a vewnans, ha ny dhegons frut adhves.

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Ev a leveris dhedha, ‘Ple'ma agas fydh?’ Mes i a leveris an eyl dh'y gila, ‘Piw ytho yw hemma, ow korhemmynna ynwedh dhe'n gwynsow ha dhe'n dowr, ha gostyth yns dhodho?’

An re ryb an fordh yw neb a glew, ena an jowl a dheu ha kemmeres an ger dhiworth aga holonn rag own i dhe grysi ha bos selwys.

Rag nyns eus tra yn-dann gel na vydh diskudhys, na tra gevrinek na vydh godhvedhys ha dos dhe'n golow.

Ha'n venyn, pan welas hi dhe vos diskudhys, a dheuth yn unn grena ha wosa koedha a-dheragdho hi a dherivas a-rag oll an dus prag y hwrug hi y dochya, ha fatell via hi yaghhes a-dhesempis. Ev a leveris dhedhi, ‘Myrgh, dha fydh re'th sawyas; ke yn kres.’

Hag i a dheuth dhe wul dhodho difuna, ow leverel, ‘Mester, mester, kellys on!’ Ena ev a dhifunas ha keski an gwyns ha garowder an dowr; hedhi a wrussons hag yth esa kalmynsi.