Popular Bible Verses from Yoshua 10

Share

Ha'n howl a sevis stag, ha'n loer a hedhis, bys pan gemmersa an genedhel dial war hy eskerens. A nyns yw skrifys hemma yn Lyver Yashar? An howl a hedhis yn kres an nev ha ny fistenas dhe sedhi a-dro dhe dhydh kowal.

Ena Yoshua a gewsis dhe'n ARLOEDH y'n jydh pan dhelivras an ARLOEDH an Amorysi dhe'n Ysraelysi, hag ev a leveris yn golok Ysrael, ‘Howl, sav stag yn Gibeon, ha ty Loer, yn nans Ayyalon.’

Ny feu dydh kepar ha henna kyns po a-wosa, pan woslowas an ARLOEDH orth lev gour; rag an ARLOEDH a omladhas rag Ysrael.

An ARLOEDH a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua a leveris dhedha, ‘Na berthewgh own ha na vedhewgh digolonnek. Bedhewgh krev ha hardh; rag an ARLOEDH a wra yndella dhe oll agas eskerens a omledhowgh er aga fynn.’