Popular Bible Verses from Yoshua 1

Share

A ny erghis dhis? Bydh krev ha bydh kolonnek; na borth own ha na vydh dyegrys, rag bos an ARLOEDH dha Dhuw genes plepynag yth edh.’

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Bydh krev ha bydh kolonnek; rag ty re wrug dhe'n bobel ma erita an tir a des dh'aga thasow y ri dhedha.

Pub tyller may trett godhen agas troes warnodho, my re'n ros dhywgh, kepar ha dell gewsis vy dhe Moyses.

‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.

Lemmyn wosa mernans Moyses gwas an ARLOEDH, an ARLOEDH a gewsis dhe Yoshua mab Nun, menyster Moyses, ow leverel

A'n gwylvos ha'n Lebanon ma bys y'n avon vras, an avon Ewfrates, oll tir an Hyttysi bys y'n mor bras y'n howlsedhes a vydh agas tiredh.

Piwpynag a vo diwostyth dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

‘Tremenewgh der an kamp, hag erghewgh dhe'n bobel: “Pareusewgh agas boes; rag kyns penn tri dydh hwi a vydh ow treusi an Yordan ma, rag dos dhe erita an tir usi an ARLOEDH agas Duw ow ri dhywgh dh'y bewa.” ’