ha lemmyn an ARLOEDH a'n dros, ha gul war-lergh an pyth a leveris, drefenn hwi dhe begha erbynn an ARLOEDH ha ny woslewsowgh y lev. Rakhenna an dra ma yw devedhys warnowgh. Lemmyn mir, my re'th rydhhas hedhyw a'n kadonyow war dha dhiwleuv. Mars yw da genes dos genev dhe Babylon, deus, ha my a'th with yn ta; mes mar nyns yw da genes dos genev dhe Babylon, ny dal dhis dos. Mir, yma oll an tir a-ragos; plepynag a hevel dhis bos da hag ewn, ke di.
