Popular Bible Verses from Jamys 4

Share

Ytho, bedhewgh gostyth dhe Dhuw; mes sevewgh erbynn an jowl, hag ev a wra fia dhiworthowgh.

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

Omuvelhewgh a-dherag an Arloedh, hag ev a wra agas ughelhe.

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

Ytho neb a woer an pyth yw da dhe wul hag ev ny'n gwra, dhodho ev pegh yw.

Hwi a wovynn heb degemmeres, rag hwi a gammwovynn, may hyllowgh spena, ow siwya agas hwansow.

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.