Popular Bible Verses from Ebrowyon 11

Share

Lemmyn fydh yw fydhyans y'n traow gwaytys, prov a daklow na welir. Rag dredho y kavas an henavogyon dustuni da.

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Dre fydh y konvedhyn bos an bys gwrys dre er Duw, may feu gwrys an pyth a welir dhiworth an pyth anwelys.

Dre fydh Abraham o gostyth pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos. Dre fydh ev a dheuth dhe driga yn tir an ambosow, avel estren, trigys yn tyldow gans Ysak ha Yakob, kes-heryon a'n keth ambos.

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Dre fydh Enok a veu ravshys na wella mernans: ha ‘ny veu kevys, rag Duw dh'y gemmeres.’ Rag kyns bos kemmerys, dustuniys veu ‘ev dhe vos plegadow dhe Dhuw.’

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Dre fydh Sara hy honan a dhegemmeras galloes dhe omdhoen hwath pan o hi dres an oes, a-ban brederi hi, ev dhe vos lel neb a ambossa.

Rag y hwaytya an sita hag a's tevo selveyn, ha'n pennser ha'n byldyer anedhi yw Duw.

Dre fydh Moyses, pan devis bras, a skonyas bos gelwys mab myrgh Faro, ow tewis, yn le hemma, kevrenna tebel dhyghtyans pobel Duw kyns es lowenhe pols yn plesour peghosow. Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober. Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys

Dre fydh ny veu ledhys Rahab an hora war-barth gans an re dhiwostyth, rag hi dhe dhegemmeres an aspioryon yn kres.

Dre fydh y treussons an Mor Rudh avel dre dhor sygh; mes tus Ejyp, pan hwilsons gul yndellma, y fons lenkys.

Dre fydh y koedhas fosow Yeriko wosa i dhe gerdhes a-dro dhedha seyth dydh.

Dre fydh ev a bareusis an Pask ha skoellya an goes, ma na's tocchya distruer an re gynsa-genys.

Dre fydh Yosep, ow merwel, a borthas kov a-dro dhe dhibarth fleghes Ysrael hag a ros arghadow a-dro dh'y eskern.

Dre fydh Yakob, ow merwel, a vennigas pub huni a vebyon Yosep ‘owth omblegya yn gordhyans war benn y lorgh.’

Dre fydh y pysis Ysak bennathow dhe dhos war Yakob hag Esaw.