Popular Bible Verses from Galatianys 5

Share

Mes frut an Spyrys yw kerensa, lowena, kres, perthyans, kuvder, dader, lenduri, jentylys, omrewl; nyns eus lagha vyth erbynn traow a'n par na.

Y lavarav, kerdhewgh war-lergh an Spyrys, saw na wrewgh kollenwel lust an kig.

Mar pewyn der an Spyrys, kerdhyn ynwedh der an Spyrys.

Seul eus dhe Grist Yesu re growsyas an kig, keffrys ha'n yeunesow ha'n hwansow.

Oberow an kig yw apert; an re ma yw fornikasyon, mostedhes, fara direwl, gordhyans idolys, pystri, kas, strif, envi, sorr, strif, fowt akord, eresys, avi, medhwenep, kevewiow gwyls, ha traow a'n par na. Anedha my a lever dhywgh lemmyn, kepar dell wrugavy leverel kyns, oll an re a wrello taklow a'n par ma ny wrons erita gwlaskor Duw.

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Rag an kig a wra hwansa kontrari dhe'n Spyrys, ha'n Spyrys kontrari dhe'n kig, rag an re ma yw kontrari an eyl dh'y gila, ma na wryllowgh gul an pyth a vynnowgh.

Rag oll an lagha yw kollenwys yn unn lavar: ‘Kar dha gentrevek kepar dell omgerydh dha honan.’

Na vedhen goethus, ow serri an eyl y gila, ow perthi avi an eyl a'y gila.

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.