Popular Bible Verses from Ezekiel 33

Share

Lavar dhedha, Dell vewav, yn-medh an Arloedh DUW, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ytho ty, A vab den, my a'th wra goelyador rag chi Ysrael; ytho peskweyth may klewydh ger dhiworth ow ganow, ty a re dhedha gwarnyans dhiworthiv.

Mes mar redh gwarnyans dhe'n tebelwas dhe dreylya dhiworth y fordh, ha ny dreyl dhiworth y fordh, ena ev a verow yn y gammhynseth, mes ty re sawyas dha enev.

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Ev a glewas son an hirgorn ha ny woslowas an gwarnyans; y woes a vydh warnodho y honan, mes mar koslowas an gwarnyans, ev a saw y vewnans.