Popular Bible Verses from Ezekiel 18

Share

Rag nyns ov hwansek dhe vernans den marow, yn-medh an Arloedh DUW; ytho treylyewgh ha bewewgh.

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Eus delit dhymm yn mernans tebelwas? yn-medh an Arloedh DUW; a nyns eus moy delit dhymm pan dreyl dhiworth y fordhow ha bewa?

Mes mar treyl an tebelwas dhiworth oll y beghosow a wrug, ha gwitha oll ow ordenansow, ha gul an pyth yw lafyl hag ewn, ev a vew yn surredi; ny verow.

hag a gerdh y'm ordenansow hag a wayt gul ow breusow yn gwirder – ev yw gwiryon, ev a vew yn sur, yn-medh an Arloedh DUW.