Popular Bible Verses from Eksodus 4

Share

Ha'n ARLOEDH a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an ARLOEDH? Ha lemmyn, ke, ha my, my a vydh gans dha anow ha dyski dhis an pyth a gewsydh.’

Ha Moyses a leveris dhe'n ARLOEDH, ‘Ogh, ow Arloedh, nyns ov gour a eryow, na de, nag a-ban gewssys orth dha was, rag lent ov a anow ha lent a daves.’

Ena konnar an ARLOEDH a dhewis erbynn Moyses hag y leveris, ‘A nyns yw Aron an Levyas dha vroder? My a woer y kews yn ta, hag otta, y teu dhe vetya genes; ha pan y'th wel, lowen vydh yn y golonn.