Popular Bible Verses from Dewteronomi 8

Share

Mes porth kov a'n ARLOEDH dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an ARLOEDH.

Ha ty a berth kov a oll an fordh a wrug an ARLOEDH dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Gwayt na ankeffi an ARLOEDH dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Aswonn y'th kolonn, kepar dell geredh gour y vab, yndella an ARLOEDH dha Dhuw a'th keredh.

Pan dhybrydh ha bos gwalghys, ena ty a vennik an ARLOEDH dha Dhuw rag an tir da a ros dhis.

Gwith gorhemmynnow an ARLOEDH dha Dhuw, ow kerdhes yn y fordhow, hag ow perthi own anodho.

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Pan dhebrowgh dha walgh, ha drehevel chiow da ha triga ynna, ha pan gress dha jatel ha dha dheves, hag arghans hag owr a gress dhis, ha pup-tra a'th eus a ynkress, ena kemmer with na ughelhaho dha golonn, ha ty a ankev an ARLOEDH dha Dhuw, neb a'th tros dhe-ves dhiworth an chi a gethneth

Rag yma an ARLOEDH dha Dhuw orth dha dhri dhe dir da, tir goverow dowr, fentynyow, ha downderyow ow liva yn-mes y'n nans ha'n brenn; tir a waneth ha heydh, ha gwinbrenn ha figbrenn ha greunaval, tir a olewbrennyer, olew ha mel; tir ma na dhybrydh ynno bara yn esow, ma na vydh dhis ynno fowt a dravyth; tir mayth yw y garregi horn, ha dhiworth y vrennow y fengleudhydh kober.

Gwaytyewgh gul oll an gorhemmynn a wrav vy y worhemmynna dhis hedhyw, rag may fewowgh hag ynkressya ha dos hag erita an tir a dos an ARLOEDH dh'agas tasow.

Dha vantell ny gothhas warnas, ha dha droes ny hwythfis an dew-ugens blydhen ma.

neb a wrug dhis kerdhes y'n gwylvos bras hag euthyk, le mayth esa a'n sarf danek ha'n skorpyon, ha syghtir le ma nag eus dowr; neb a dhros dowr yn-mes dhis dhiworth karrek an kellester