Popular Bible Verses from Dewteronomi 30

Share

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has, ow kara an ARLOEDH dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an ARLOEDH dhe'th tasow, dhe Abraham, ha dhe Ysak, ha dhe Yakob, dhe ri dhedha.

ow korhemmynna dhis hedhyw kara an ARLOEDH dha Dhuw, dhe gerdhes yn y fordhow, dhe witha y worhemmynnow, ha'y ordenansow, ha'y vreusow, rag may fewi hag ynkressya; ha'n ARLOEDH dha Dhuw a'th vennik y'n tir mayth esos ow tos di dh'y erita.

Mir, my re worras a-ragos hedhyw bewnans ha da, mernans ha drog

Rag yma an ger fest yn ogas dhis, yn dha anow hag yn dha golonn, rag y wul.

An ARLOEDH dha Dhuw a drodregh dha golonn ha kolonn dha has dhe gara an ARLOEDH dha Dhuw gans oll dha golonn ha gans oll dha enev, rag may fewi.

An ARLOEDH dha Dhuw a wra dhis seweni yn pub ober a'th leuv, yn frut dha gorf, yn frut dha jatel hag yn frut dha dir rag da; rag an ARLOEDH dha Dhuw a lowenha ynnos arta rag da, kepar dell lowenhas yn dha dasow

Mes mar treyl dha golonn dhe-ves, heb goslowes, ha ty a vydh dynys dhe blegya dhe'n dor a-rag duwow erell ha'ga servya, my a dhiskler dhywgh hedhyw y fydhowgh kellys glan; ny vydhowgh trigys dydhyow hir war an tir mayth esos ow tremena dres an Yordan dhe vos di dh'y erita.

Rag an gorhemmynn ma esov orth y worhemmynna dhis hedhyw nyns yw re gales ragos, na re bell.

Nyns usi yn nev, rag may leverri, ‘Piw a yskynn ragon war-tu ha nev ha'y gemmeres ragon rag ma'n goslewyn, ha'y wul?’

Ha nyns usi dres an mor, rag may leverri, ‘Piw a dremen dres an mor ragon ha'y gemmeres ragon, rag ma'n goslewyn, ha'y wul?’