Popular Bible Verses from Dewteronomi 10

Share

Ha lemmyn Ysrael, pandr'a wovynn an ARLOEDH orthis marnas perthi own a'n ARLOEDH dha Dhuw, kerdhes yn oll y fordhow, ha'y gara, ha servya an ARLOEDH dha Dhuw gans oll dha golonn ha gans oll dha enev, gwitha gorhemmynnow an ARLOEDH, ha'y ordenansow esov ow korhemmynna dhis hedhyw rag may fo yn ta dhis?

Rag an ARLOEDH agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober

Trodreghewgh ytho kudhgenn agas kolonn, na vedhewgh kales agas kilbenn namoy.

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Ev yw dha wormel, hag ev yw dha Dhuw a wrug ragos an taklow bras hag euthyk ma a welas dha dhewlagas.

Porth own a'n ARLOEDH dha Dhuw ha gwra y servya. Glen orto, ha to ren y hanow.

Otta, an nev ha nev an nevow yw dhe'n ARLOEDH dha Dhuw, an norvys ha pup-tra eus ynno.

Kerewgh an alyon; rag hwi a veu alyons yn pow Ejyp.