Popular Bible Verses from 2 Peder 2

Share

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha. An gwir lavar re goedhas warnedha, ‘An ki a dreyl arta dh'y hwyjans y honan’, hag ‘An vanow, wosa omwolghi, a dreyl dhe omrolya yn leys.’

I a ambos rydhses dhedha, kyn fons i aga honan kethwesyon diswrians, rag den mars yw fethys gans nebonan, dhodho ev kethwas gyllys yw.

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.