Popular Bible Verses from 1 Timothi 2

Share

Rag yma unn Duw hag unn mayn yntra Duw ha mab-den, an den Krist Yesu, neb a omros yn daspren rag pub den oll, an dustuni degys y'n termyn gwiw.

Ytho, my a bys kyns oll, may fo gwrys govynnadow, pysadow, aspysadow ha grasyans rag tus oll, rag myghternedh ha tus oll ughel aga roweth, may hwryllyn ledya bewnans kosel ha hebask, yn pub revrons hag onester.

Ytho, my a vynn may hwrello pysi an wer yn pub le, ow trehevel diwla sans heb sorr na disputyans. Y'n keth vaner y koedh dhe venynes omwiska yn maner wiw, gans onester ha doethter, heb pletha aga gols gans owr na perlys, ha heb dillas meur y gost, mes gans gwriansow da, dell yw gwiw rag benynes ow professya revrons dhe Dhuw.