Popular Bible Verses from 1 Samuel 17

Share

Mes Davydh a worthybis dhe'n Filistyas, ‘Ty a dheu er ow fynn gans kledha ha gans guw ha gans skoes; mes my a dheu er dha bynn yn hanow ARLOEDH an luyow, Duw luyow Ysrael, neb re wruss'ta y dhefia.

ha may hwodhvo oll an kuntelles na wra an ARLOEDH sawya dre gledha ha guw; rag yma an vatel dhe'n ARLOEDH hag ev a'th re yn agan leuv.’

Yn-medh Davydh, ‘An ARLOEDH neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an ARLOEDH genes.’

Y'n jydh hedhyw an ARLOEDH a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael

Ena ev a gemmeras y lorgh yn y dhorn, ha dewis ragdho pymp bilienn mes a'n gover, ha'ga gorra yn y sagh bugel deves, y'n skryp, hag yth esa y dowlbrenn yn y dhorn, hag ev a dheuth nes dhe'n Filistyas.

Davydh a leveris dhe Sowl, ‘Na wres kolonn denvyth fyllel a'y wovis ev; dha was a wra mos hag omladh gans an Filistyas ma.’