Popular Bible Verses from 1 Korinthianys 1

Share

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev

Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

Rag follneth Duw yw moy skentel ages skentoleth mab-den, ha gwannder Duw yw kreffa ages krevder mab-den.

Lel yw Duw; ganso ev hwi a veu gelwys a-bervedh yn kowethyans y Vab ev, Yesu Krist agan Arloedh.

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?