Popular Bible Verses from TITUS 3

Share

cmpige:la cdvlo Ru:ncpvnckc ainamdc odokkc ansv:nc asin gcnam aya:pc mc:nam ngoluk Moturncdc lenka:nc, Bv ngolum moturto, ngoluk dormokanam ngoluk ainc ager gernamong kokkimang, cmpige:la Bvk avkc mc:yinsunam aipc mc:jongkokkimvn, opvnkvdv:dcm vrpu:namdokki odokkc Angunnc yalodokki anumonamkokki, okodcm Bv ngoluk tayc:lo mircmpc Jisu Kristo ngoluk Moturncdokki pvrumlvgtojc, cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.

Bulum migom donc kvdvng odokkc kanggabdaggabnc kvdv:dok agom lulvg tadkampc du:dopc mc:pa:dopc lutoka, agom taddopc, atv mcnggcnam ager lcgangc mosv:sula du:dopc, sc:komsin aima:nc agomcm luma:dopc, pamvnsunamcm mcpakdopc, asin aiyo:dopc, odokkc appvng tani:ycm inam-sa:nam pv:namrungko lcngkandopc.

Cmpige:la okolok aima:pc svgka:mvnsu:nam agomkvdv:dcm mcpaklangka, ope:ncgvng agomc, agom lukermvnsunam, lujvglurodok agomlo pamvnsunamc, kapcnc cdcbulu la:bkama:nc odokkc okopcsin aima:nc.

Kapc milbong tani:lokkcpc sc:kobv kcvgpc mc:doji, bvm lckomam lcnyikopc lusvngge:la, bvkkokki okkomsin ipcnam kama:bong odokkc kinna jc cdcmpinc tani:dc gvyodla gvnnc odokkc pa:pkannc