Popular Bible Verses from ROMANKVDVNG 4

Share

Oko mcmo-mcyangcsin bvm mcngo:motomang Ru:ncpvnckc pesunamdokkcm, ckvdaggom bv bvk mc:jvglok kvnggv:bomna gvkang bv Ru:ncpvncmc amin gvmonamdcm bila:yam, pv:namkopc mcnga:la jc Ru:ncpvncbv okodcm pesutoji ila:dag.

“Ngo nom ope:ncgvng abaru:lok abupc ru:tu:bong” –bv sc:kom mc:jvgdagji cdc Ru:ncpvncdok ka:de:pc, sc:kobv sinncm turnam bidagji odokkc attar kama:ncm kadopc gogdagji.

sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.

Mc:tin kamangkolo bv mc:jvgla mc:tinto, jc bv bojcrung opvnlok abupc ipa:do; bvm lunamdcmpc, “Cdcmpc nok opvnkvdv:dcm iyc.”

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc

“Sc:kobulukkc dormo kama:nammcm mc:yinsutoji bulu akirba:d pa:nc, odokkc sc:kobuluk pa:bcm kukombitoji, bulu akirba:d pa:nc. Sc:ko tani:dok birudi:pc Ru:tumbv pa:bcm adma:ycji bv akirba:d pa:nc.”

Kapila:nc astro:dc okkom ludang? “Abrahambv Ru:ncpvncmc mc:jvgto, odokkc cdcm bvkkcpc dormo kannc cmna jvggabla lc:to.”