Popular Bible Verses from ROMANKVDVNG 14

Share

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc; sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

Ngolu turmvlo, ngolu Ru:tumkc lcgangc turdo, odokkc ngolu sidomvlo, ngolu Ru:tumkc lcgangc sido; cdcmpila cmpcmvlo, ngolu turdunggom sidunggom, ngolu Ru:tumkc.

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

Cdcmpcmvlo kajc akoncm akonc kcbang agom luka:mvnsuyobongka, cmpige:la cdcmyam bvro akonclok lambclo cdvlosin lcsudsunam sv:tungko cdcmanggom motumgvtumncko ilvgma:pcka.

Kapila:nc cdcm adla lc:tag, “Ngo turra du:namdc, Ru:tumbv ludag, appvngc lcbvngcm ngokkolo:pc tuma:yc, odokkc appvng Ru:ncpvncmc aipai luyc.” Cdcmpidag ngolukkolok appvngc av avkc inamgvnamlok kvnamcm Ru:ncpvncmc kvbipa:ycku.

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

No sc:kobv:n amikc ager gerya:nckoncm aidag aimang cmna lupcncdc? Cdc bvk avkc ru:tumdok kcra:do:mvn bv dagdo cdcmanggom otabdo. Odokkc bvm bottcmoyc, kapila:nc Ru:tumdc bvm dagmola:dag.