Popular Bible Verses from ROMANKVDVNG 12

Share

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

Aima:nc agerkokki mopvkosuyoka, cmpige:la ainc agerkokki aima:nc agerdcm mopvlangka.

akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji

Pagycmvlo, ila:ycmvlo, cdc nolukkolo noluk agompc idag, appvngkc lcdulo mc:posagpo:pc du:la:daglangka.

Mc:bomsunakvdvnga, cdvlosin av avyc palvgcm lvgyoka, cmpige:la cdcm Ru:ncpvnckc aglv:lo:pc mcpaklangka; kapila:nc cdcm adla lc:tag, “Palvg lvgnamdc ngokkc, ngo lvgycku, Ru:tumbv ludag.”

Bottapc ager gernamlo cdvlosin lo:bagyok, Yalodokki dorrangka, Ru:ncpvnckc agercm gertoka.

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

Aima:n agerdok lcgangc aima:ncm agercm gerlatsuyoka, cmpige:la appvngkc kangkolo okodc aidagji cdcmpinc mc:namsagnamcm mc:langka.

Akonkc lcdulo akonc lckolakko:pc du:ladaglangka; bottc bottcpc mansuyoka, cmpige:la ame:nc kvdv:dokki lcko-lakko:langka; cdvlosin av avyc bottcpc kinnc cmna mc:suyoka.

Ma: cddo:mang, “nok mirudc kcno:dagmvlo, bvm tv:namko bitoka; kapila:nc no cdcmpc imvlo bvk tukkudok ugla du:nc vrga:nc mcrudcm gingkumsula lc:yc.”

Sc:kobulu nolum ipusire:ycm idagnc bulum akirba:d bilangka; aipai bilangka cmpige:la bulum pelvgyoka. Sc:kobulu mc:po mcngandagnc buluk lcdulo mc:po mcnganmvnnangka, sc:kobulu kabdagji buluk lcdulo kablangka.

Ru:nckc ager gernc tani:kvdv:dok kama:nammcm bidumsulangka, mibo bonamcm botvla du:langka.

Kapila:nc kapc amvr akkongkolo ngolukkc bojcrungko alc alagc du:nc, odokkc alc alag appv:dc kapc c:mo:pinc agercm germa:nc, cdcmpc ngolusin, bojcrungkodaggom, Kristokolo amvr atcrcngkonc, odokkc tani: akkongkopc akonkcpc akonc alcalagc.