Popular Bible Verses from ROMANKVDVNG 1

Share

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

Rcngamscm ru:lendodokkcbong bvk kangkurla:ma:nam mcngkamsakkamdc, amin minpc, Bv lo:dvlongkvpc du:nc tornamdc odokkc ru:ncpc inamdc narc:pc:sc:pc bvk ru:nam atvkvdv:do.

Cdcmpidag bulum mc:yinsutomang; kapila:nc Ru:ncpvncmc bulu kindagagom bulu Ru:ncpvnckoncmpc Bvm mcnggcpcnamcm mcnggctomang cdcmanggom bv aipai bitomang, cdcmpige:la buluk mcngkolo bulu cmmumpc Bvkkcpc batpakkang, odokkc buluk kinsupa:suma:n asinkvdv:dc kcmokang.

Kapila:nc bulu Ru:ncpvnckc aro agomdcm lume:lunamko lcgangc lukansuto odokkc ru:namdcmdan kumto Ru:ncpvncmc kumma:pc, sc:kobv lo:dvpc akirba:d pa:ncdc:ji! Amen.

Taycng amo:tokkc Ru:ncpvnckc aglvngcm lcngkanto tani:kvdv:sok appvng dormo agerkvdv:dok lcgangc lcngkanto odokkc aima:nc agerkvdv:dok lcgangc sc:kobulu bvk aima:nc agerkvdv:dokkc arodcm motumla du:doji.

Sok lcga:pc Ru:ncpvncbv bulum mcngc kama:nam ilvng-gvlv:lo:pc tolvgto. Buluk nc:ngkvdv:dc jontcng ajoncm jonma:pc jongo:to, odokkc milbong tani:kvdv:dc:sin avkc la:nam nc:ngcm jonma:pc mcpakto odokkc akonkc lcgangc akoncm ilvnggvlvngcm topaklvgto, milbong tani:kvdv:dc anying kama:nc agercm milbong kvdv:dokki gerto odokkc buluk avkc aima:nc agerlok pa:pcnammcm buluk avkc imurkvdv:dokkcm pa:suto. Odokkc Ru:ncpvncmc bulu arro cmna ka:tomang, Ru:ncpvncbv bulum mcngkinma:nam asinno:pc tolvgto odokkc aima:nc inamgvnamlo:pc.

Kinnc pa:nc cmna lusuge:la, bulu okkomsin kinma:ncpc ikang, odokkc cdvlosin sima:nc Ru:ncpvnckc amin gvnamdcm sinc tani:lok moimangcmpinc gcsunckokki bikonsuto cdcmanggom pcttangkokki cdcmanggom simvnkvdv:dokki cdcmanggom ngcnggo:la gvnckvdv:dokki.