Popular Bible Verses from PILIPIANG KVDVNG 4

Share

Ru:tumbv pvnga:du:bong. Atv lcgangc mcngkesula siyoka, cmpige:la appvng lcgangc kumnamkokki aipai bila: bila: noluk turcnamdcm Ru:ncpvnckolopc lutoka.

Odokkc Ru:ncpvnckc mcngandc, okodc appvng mcngkinammcm gvkurra gvdagnc, noluk asincmnang noluk mc:namcm Kristo Jisukolo lc:ycpc.

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

Bvkkolo ngo appvng agercm gerra:dag sc:kobv ngom kvnggv:modagji.

Ru:tumkolo lo:dv:scm mc:pobadsutoka; lckoda ngo luyc, mc:pobatsutoka.

Odokkc ngok Ru:ncpvncbv noluk manam appvngcm biycpc Kristo Jisukolo mitcmircmkvdv:dcmpc amin gvla.

Nolu okodcm kinyirsutonc odokkc torvgsutonc odokkc tadtonc odokkc ngokkolo ka:tonc, gertok; odokkc mcngandok Ru:ncpvncbv nolukkolo du:mvnka:langka.

Appvng tani:ycm kinmotoka noluk mentumsula du:namdcm.

Ngo adji:pc ila du:pc du:yitsuto, odokkc ngo kindag kapc pv:se-pv:yela du:pcnammcji; atvkolo odokkc appvng du:namsa:namloi ngo kvnggv:pc pv:sepv:yela pa:namcm odokkc kcno:la du:namdok lc:sula lc:nam agomdcm kintobong, pv:sepv:yenammcm odokkc ka:ma:nammc.

Ngo:jc manam lcgangc lujckko luka cdcmang; kapcnc ngo kinyv:suto, ngo kapinci du:namdagnamlo du:ji, mc:tv:sudopc.