Popular Bible Verses from PILIPIANG KVDVNG 2

Share

Avkc lcgangc inam okkomsin iyoka cdcmanggom ngo:na cmna bottapc mc:sunammc, cmpige:la asinc ansv:pc mc:sula ammem mcnggcla noluk avkvdv:dcmyam tadya:lang. Noluk akonc avkc mc:nam sagnamongcm kanggomoyoka, cmpige:la akonkc mc:bonammc ka:motoka.

Sc asinsc nolukkolo gctoka, okodc noluk Kristo Jisukolo du:ji, sc:kobv

Ru:ncpvnckcmpc Bv idaggomsin, Ru:ncpnckcmpc Bvkkvddvnc cmna kvtc:sutomaji. Cmpige:la Bv avdc okkomsin kama:pc imoto, ager gerya:nclok amvrpc gcge:la, tani:kvdv:dcmpc okosuge:la. Odokkc tani:ycmpc idopc pa:la:yam Bv avdc asinc ansv:sukang odokkc sidodo:pc agom lukamdcmpc tadkang, cddo:mang Kurus tayc:do sigcdodo:pci.

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

Cdcmpidag Ru:ncpvncbv Bvm owudru:pc la:sa:to odokkc Bvm aminko bito okodc appvng amincmsinyam bottcya:nc. Jc Jisukc aminno appvng lcbvngc tuma:pa:do, taycngamo:to:lang mo:pvso odokkc mo:pvkcvgbo:sin, odokkc appvng aiyyo lude:supa:do jc Jisu Kristobv Ru:tumdc, Ru:ncpvnc Abudok amin gvnamdok gvdopc.

Appvng agercm lukvnlumvnma:pc cdcmanggom agom tauma:pc gerlangka. Jc nolu lugcng kama:pc iycpc odokkc imurkama:pc iycpc, Ru:ncpvnckc ommangkvdv:dc koiyyang kama:pc lukcrcp agomlunc odokkc gvmurra gvnc opvnkvdv:dok ara:lo saki:pc dordo, turnamsok agomdcm kvnggv:pc gagla du:la

Cdcmpidag, ngok mc:bomsunamkvdvnga, nolu kapc lo:dvscm agom lukamdcmpc tadtonc, cdcmv:pc su:pakgom, ngok ka:dodo:mang cmpige:la airu:p bojcyangko ngok ka:ma:dodcm, pcsola odokkc jinna noluk avkc motunam agerkvdv:dcm gerrentoka