Popular Bible Verses from GALATIANG KVDVNG 5

Share

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc, aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

Cmpige:la ngo ludung, Yalodokki lambcm gvtoka, odokkc amvrdok mcngkamkvdv:dcm mc:lvgsumoyoka.

Ngolu jodi Yalodokki turyc, kajc ngolu yalodokking lambcm gvlai.

Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.

Su:pak adin amvrdok agerkvdv:dc lendanna dung: nc:ng milbo:pc gvmang la:ma:pc la:mvnsunam, narc:ma:nam, ka:bomc:bogo:la gvnamc, monam moimangcm kumgo:nammc, morunammc, mirupc imvnsunamc, pamvnsunamc, ka:ruka:ma:nammc, aglvng sa:namc, atcgongkcpc mc:sunammc, lukermvnsunammc, kcra:pc dagrobla lunamc, ncnamc, tvngvrdowursunamc, apong tv:la jcnggumla du:namc, odokkc cdcmbulumpinnc. Ngo nolum lutaddung, jc cdc sc:kobulu cdcmpinc agercm gerdoji Ru:ncpvnckc migom doko amo:do du:mvnpangku ma:ycku.

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

Kapila:nc amvrdok mc:namkvdv:dc Yalodok birudi:dag, odokkc Yalodok mcngkam kvdv:dc adin-amvrdok birudi:dag; kapcnc sc:bulu akoncm akonc nvgka:mvnsudag, nolum motumpc nolu okodcm ipcma:namcji.

Kapila:nc lujvglurodc agom apiro:lo pvngangkang, “No nok kumrvko:rcm avyvngkcmpc aipc mc:langka.”

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.