Popular Bible Verses from 2 TIMOTI 4

Share

Ngo bottarya:n mimagdcm moto, ngo dugnamdcm dugamto, ngo mc:jvgdcm mc:tvto.

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

Kapcnc ayirdc pvnga:dobong cdvlo tani:kvdv:dc aipaknc poyirnammcm tadka:ma:ycnc, cdcmpige:la a:gnc yerung gctaksula bulu avkc lcgangc avyc poyirncpc isuyc buluk avkc aipc mc:nam kvdv:dcmpc idopc, odokkc arodcm tadma:pc gvyotdag odokkc cmmum lekedo:yvngcm kvgo:dag.

Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.