Popular Bible Verses from 2 KORINTIANGKVDVNG 9

Share

Odokkc Ru:ncpvncbv nolum pv:sepv:yenamko appvng akirba:dcm nolum bila:dag, odomvlo jen nolukkc lo:dcm appvng pv:namkopc pa:ycpc odokkc appvng ainc ager kvdv:dok lcgangc pv:se-pv:yenamkopc biycpc.

Appvngc bvkkc bvkkc asindok mcngkamdcmpc bipcru:nammc, bipc:-bige:mang cmma:pc cdcmanggom bipa:ru:yc cmna:mang, kapila:nc Ru:ncpvncb mc:po mcnganna bincdcm aipc mc:dag.

Agomdok mc:la lukamdc scmpc: sc:kobv adjiongko piddoji bv adjiongko gadycku, odokkc sc:kobv bojcrungko pidycji bojcrungko gadycku.

Sc:kobv amni: pidncdcm amni:ycm biya:doji odokkc donam lcgangc pitangcm biycji noluk kanamcm bi:ya:ycpc odokkc bojcrungko imoycpc odokkc noluk dormo kanamdok arvgcm bojcmoycpc. Nolu airu:pc mircmycpc appvng agerlo bottcru:pc bila:namdokki, okodc ngolukkokki Ru:ncpvnckolo:pc aipai binamcm lenmoycpc

Ru:ncpvncmc aipai binampc ika:langka Bvk lukurbila:ma:nam amandokki.