Popular Bible Verses from 1 KORINTIANG KVDVNG 8

Share

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do. Akonc jodi mcngkvla mc:yc jc bv o:kai kindo, bvk kinpcnamdcm cmpidaggom kinmang.

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

Kanggabo:lang ckvma:mvlo sc noluk dolvngcm donamdc kapcjila lcsudsuko sv:tu:pc sckkai mcngkinma:nc kvdv:dokkcpc iyc.