Popular Bible Verses from Diemisi 3

Share

Isito luleleu otogomo dobai lohoale ke vaveveu koseanu. Lulele kemo ataeabuna vaveve dua unaha vai moleho uvulahai moleho isivilahai mole hoesegevei mole tedaevegei. Lulele kemo ataeau bae mole lobogevei mole aiogevelivebene.

La lulele ata holiliege la ebika tabageve halevaito vaveve dua unaha vage ataeau la vaveve ke elehai hilokai kosea, “Lulelete ataeabulike kea.”

Iale oleuoleu uvevete ata holiale keau uveve dua vai ata degomole hoesegevege ata kebia vavevena inutolotoloai.

Ataeau mole maina mai isi moleho itumulahai abu ebika tabageveale kemo abuna mole halevei abu isivi unaha vai vaveve toela baluga vagei.

Isito atabeu bae ke nahate neme ke haivulivebene. Neme kemo nahiabuna vaveve toela baluga lougei. Nahi nahie neme kemo nahie Kosive Dilava ke hoesehavoito hoidevei kemo Dilavau au ebia nahate ata vaeveale kebiaho hotoe toela loui aiogevegei. Nahi katelahai nahie nememo Dilava hoesehavoi ata aiogevege keu toelanu. Iale di haokuvuia, nahi vaveve kateale va halevai.

Iale nahie neme keu vene ke nahate. Neme kemo vaveve toela moagau ua. Iale kena nahie vava bahata aiohavoi. Kosealemo vaveveve keu veneu hodovavesite keve lohonu. Iale kemoike nahiabuna hotoe toela baluga loui nahie vaveve bahata aiohavoi.

Isito atabeu bae ke nahate neme ke haivulivebene. Neme kemo nahiabuna vaveve toela baluga lougei. Nahi nahie neme kemo nahie Kosive Dilava ke hoesehavoito hoidevei kemo Dilavau au ebia nahate ata vaeveale kebiaho hotoe toela loui aiogevegei.

Di haokuvuia, la moagaeau bae ata haiveveve lovi ke valivebene. Kosealemo la hilokage nahiabuna nenilahai ata haiveveve lovi ke vaholige Dilavana nahie vaveve kaovai nahiho hoto baluga loui.