Popular Bible Verses from Revelesen 22

Share

Ayeu amol mate ane be mul ane. Gen walang ok ane dabe ayeu, be ayeu gas vu beti atob nas vunu.

Be Yisu ane avo ukwas ebe ginei ok dang-eteik; “Unaute kob! Ayeu atob nalek nakuri yem ge. Be atob nambwas amolmol walang ok as kulkul ebe ilgum gitang-tangi ge ok ane ano nitangi eisir ana-nos ge.

Ngalau Yamar gabu avie ebe ve nemb bwelk Sipsip ok, sulu inei dang-eteik; ‘Unme Ma!’ Be amolmol ebe iute yaun etenik ok, eisir ok inei nivin be inei; ‘Unme Ma!’ Amolmol ebe bui ges is ok, inme ma. Inme be inum bui matawas ane. Inme be inum sin-gege.

“Amolmol ebe ivuk as kup gikwai ok, eisir tas-vevias ge. Eisir gitangi atob inen ei matawas ane ane ano. Be eisir gitangi atob insov nam dabe bamo etok ane nam-avo inde.

Be Ute! Yisu ginei, ‘Ayeu atob nalek nakuri yem ge.’ Amolmol ebe ipasang yaun bambamo ebe Pomate ginei vusa giengk kapia etenik ok vie-ngge ok, eisir etok tas vevias ge.”

Be tambok wat niengk vukuri ite ma. Be eisir wat inrek yev me lam me as-gwangne ebe ve niro is ok ite ma. Ve Amol Bamo Pomate ane aivi atob niro eisir weik ebe lam ok, be eisir atob inemb amolmol dabin weik ebe king ok dangetok ninggas ta-ngge.

Amol ebe ginei gen bambamo etok ane yaun vus-vusa ok, ei ginei dang-etik; “Bingano molge, ayeu atob nalek nakuri yem ge!” Bingano, Amol Bamo Yisu. Unme ma! Amol Bamo Yisu ane yaun bwai-bwaya atob nilek nivang nivin yem tepwengge.

Yaun ete ayeu ve nanei nitangi amolmol tepwengge ebe iute yaun bambamo ete Pomate ginei vus-vusa giengk kapia etenik ok, atob ano nile! Amol ti ginei nivdur yaun ake subu nile nivin yaun ete giengk kapia etenik ok, atob Pomate nemb gen bunam subu nile niwei gen bunam bambamo ete inei giengk kapia etenik ok be nemb nitangi amol etok. Be ginei amol ti nisin yaun ete Pomate ginei giengk kapia etenik ok ane ake subu nikwai, atob Pomate nemb amol nok ane ei ano matawas ane be tis ane sawa ebe ve nimbweg ok, ebe giengk nam-vu yamar ebe inei ane yaun giengk kapia etenik ok nikwai weik etok ge.