Popular Bible Verses from Jems 4

Share

Dangetok be unat-muli aim aplongg aim tiate bambamo etok be unsov Pomate ane yaun ane lu ge. Be unvarkei gwangne be unaitin Sadam nikwai veik nivang aikawe nikwai aim.

Yem unde unvang unto-unvin Pomate veik Pomate ninme nivang nito-nivin yem. Be yem amolmol tiate ane, yem unpasang aplongg aim love vie molge kob, ve yem amolmol aplongg aim ailu ailu ane. Be untau ete tangg aim gitung gen tiate giengk aplongg aim painge ge ok.

Yem undi be unalgum aim ate love weik ebe gen sin-ge ok nangge Amol Bamo na, veik atob Amol Bamo avo nivwat yem arengg aim.

Bemem Pomate ane tang givin be tis ane ta viti ve eitit ane, etok gen bamo molge gitlek. Ve yaun ebe giengk Pomate ane kapia ok ginei dangeteik: “Pomate atob nivkir dume nitangi amolmol ebe indang is ate be isov yaun ane lu ite ok, be ta-viti ve eisir ebe ilgum is ate weik gen sin-ge ok.”

Tau-yem undi kob. Amol ti ginei gitpweng luev gen vevies ane are gikwai bemem ei givang mul ve luev etok ite, okob amol etok ei gilgum gen tiate.

Be yem ok os miengk gitangi Pomate ve gen ret ret ane bemem unggas ite. Giwei yem tangg aim gitung gen ti roro ite ma. Yem tangg aim givin ve un-gas gen ebe ve unkar-kari nipil gen ebe yem ate tangg aim givin ane ok ge.

Yem amolmol ebe ule usa Pomate vevie ite ok yem utpweng yaun etok are gikwai me ma? Amolmol ebe tas givin gen nalk ane gitlek ok, eisir etok ete atob ines valir nitangi Pomate. Amol ti ginei ta givin gen nalk ane be ta givin anongge ve ginei ninggas gen etok ane ano, okob amolmol dang-dangetok ebe es valir gitangi Pomate ok.

“Yem tangg aim gisgil gen ete ve asongkob menihlang ok. Eitit amolmol tavang nalk etenik weik bui ane var-varu ebe meng-gihlang bokti gile ve ma ge ok.