O nenda eni eredo eminge saetira, “Paul, ni setesa aindae resena. God da uju amo, jo evetu genemboimi buregari da kaugo iraeri. Ava sedo, God redae namonde ijujari? Nunda uju ava eraira ava sedo, jo namonde ijujae aeti,” aminge saetira amo, jo eveva iraeri. Nu taká genembori. Nu jo eredo, God kena mino eni jo sae aeti. Aminge saetira amo, nu inono: okia eniimi eredo, okia jighari katokena ategi aetira, “Ni redae na kau emingeteso siroreteni?” Aminge ategi aetira amo, jo inono iraeri.