Popular Bible Verses from JENESIS 50

Share

Ningnui lam gene â achu tew’nsia ra ningnui tew de lei; kane Hera â chize keyibe hang tew gai de lei, nemai riâ chang ze yi ze bam gum ze ziemmena misongga ze tew’nringgaibe wangchang le ra hangge zeu.

Kane Josepbe ne penui je, “Hing se lau, Hera kelei ge I ne la se mei?

Chidaze hing se lau; ningnui benai ningnui name hang ka’nnangbe I ne pei gu lei,” kacheu de lei. Chigum ze penui lung tew’ntip kai ze, tewtemichai gai bei de lei.

‘Josepbe je salia be lau, ning dage I kie lei, penui ne ning peireige tâ-kesiabe tewgai’ndibe ziegene ning sikiname hedieka’ngkabe benai penui gu hemui lun gai be lau,’ zeu. Zai chuna ge anui ne ning dage kie lei, ning peu Rapeu guâ ka’ngguame ramme gu hedieka’ngkabe lun gai lau,” acheu zeu. Penui ne pechu ka’mpaube luage Josepbe hap kai di de lei.

Zai Josepbe ne pe sikiname je, “I â chai zi gu de lei; kane Hera ne ningnui je ’ngkiâmie gu lei, zai a peu ram gene ningnui je nguapat ze Abrahambe, Isaakbe zai Jakobbe je pa ne hetkaibe heram ge ngua gai gu lei,” kacheu de lei.

Dadege Josepbe ne Israelbe name je deseutew ra rang gai de lei, acheu sa ze, “Hera ne ningnui je ’ngkiâmie gu lei, zai aigene a ra ramme ningnui punghang ra lei,” acheu zeu.

Chidadege Josepbe kum haî kat ze kereu ringchang gai lu chai di de lei; zai penui ne pe pum ge reheu ’nnuk kai ze kateleu de lei, zai pechu â Ijipram ge geching ge kai de lei.